Ekitaldian inspirazio-hitzaldiak izango dira, enpresa-arloko izen handien eskutik. Andrés Rodríguez-Pose London Business Schooleko (LBS) irakasleak irekiko du eguna, tokiko industrietako etorkizunari buruzko ikuspegiarekin. Bestalde, Javier Cogorro Columbus Venture Partners-eko bazkide sortzaileak amaierako hitzaldia emango du, inpaktu handiko proiektuetan ekintzailetzan eta inbertsioan duen esperientzia partekatuz.

Hitzaldi horiez gain, bertaratutakoek tokiko enpresen arrakasta-kasuak zuzenean ezagutzeko aukera izango dute, eskualdeko industria-sektorearentzat garrantzi handikoak diren gaiak jorratuko dituzten lau mahai-ingurutan:

• Eraldaketa digitala eta zibersegurtasuna.
• Enpresen eskalatzea.
• Belaunaldi-aldaketa.
• Trantsizio energetikoa.

Foro hau aukera paregabea da adituei entzuteko, esperientziak trukatzeko eta egungo erronkei aurre egiteko moduei buruz hausnartzeko, eraldaketa digitalaren, ekonomia berdearen eta enpresa-hazkundearen testuinguruan.

Jardunaldiko ordutegia:

• 09:00 - 09:15: Irekiera.
• 09:15 - 10:00: Hasierako hitzaldia - Andrés Rodríguez-Pose (LBS).
• 10:00 - 11:00: Mahai-inguruak: "Eraldaketa digitala & zibersegurtasuna" eta "Enpresen eskalatzea".
• 11:00 - 11:30: Atsedenaldia.
• 11:30 - 12:30: Mahai-inguruak: "Belaunaldi-erreleboa" eta "Trantsizio energetikoa".
• 12:30 - 13:15: Azken hitzaldia - Javier García Cogorro.
• 13:15 - 13:30: Itxiera.

Ate irekiera eta akreditazioa: 08:15etik aurrera. Jardunaldiaren ostean, networking lunch batez gozatu ahal izango dute bertaratzen direnek.

Ez geratu zure plaza gabe. Eman izena hemen: https://www.gipuzkoa.eus/es/web/kongresua/industria