Zer zerbitzu eskaintzen ditu bulego honek?

Asteartero, herritarrak bulego honetara hurbildu ahal izango dira, honako gai hauei buruzko aholkularitza pertsonalizatua jasotzeko:

• Fakturak interpretatzea eta kontsumoa aztertzea.
• Energia-tarifei eta dauden laguntzei buruzko informazio eguneratua.
• Etxean energia-eraginkortasuna eta energia berriztagarrien erabilera hobetzeko aholku praktikoak.
• Berrikuntzak energia-legerian, eta energia-gaiei buruzko prestakuntza jasotzeko aukerak.

Helburua da informazio eskuragarria eta praktikoa ematea, pertsona bakoitzak erabaki informatuak hartu eta bere energia-kontsumoa murriztu ahal izan dezan, ohiturak egokituz eta tarifa egokienak aukeratuz.

Aholkularitza pertsonalizatua:

Pasaiako bulegoan teknikari espazializatuak egongo dira kontsultei zuzenean erantzuteko, asteartero, 9:00etatik 14:00etara eta 14:30etik 16:00etara. Arreta arinagoa emateko, hitzordua erreserbatzea gomendatzen da, astelehenetik ostiralera 943 344 160 telefonora deituz edo energia@oarsoaldea.eus helbidera idatziz.

Lankidetza-proiektua

Oarsoaldeko Garapen Agentziak Oarsoaldeko Energia Bulegoaren bitartez eskaintzen duen zerbitzu hau Pasaiako Udalarekin koordinatzen da, kalitatezko zerbitzu eraginkorra eskaintzeko. Ekimen honek komunitateari lagundu nahi dio kontsumo arduratsuago eta iraunkorrago baterako trantsizioan. 

Teo Alberro alkateak bizilagun guztiei gonbidapena egin die “doako baliabide hau erabiltzera”. Zerbitzu honen bidez, behar duenari bere etxeko eraginkortasun energetikoa aurrezteko eta hobetzeko “beharrezko ezagutza” emango zaiola ziurtatu du Iraitz Pazos Ingurumen zinegotziak, “ingurumena babesten ere lagunduz”.

Zerbitzuari buruzko informazio gehiago nahi izanez gero eta hitzordua eskatzeko, Oarsoaldeko Energia Bulegoa eskuragarri dago 943 344 160 telefonoan eta energia@oarsoaldea.eus helbide elektronikoan.