Funtsezko Ekonomia tokiko ekonomian dauden eta ematen diren eguneroko ondasun eta zerbitzu funtsezkoei dagokie. Pertsona, pertsonen beharrak, oinarrizko zerbitzuak eta eguneroko bizitzako azpiegitura ardatz dituzten jarduerak dira. Gizartea funtsezko zerbitzuen mende dago, pandemia honetan egiaztatu ahal izan dugunez, horiek ahalbidetzen baitute eguneroko bizitza. Gaur egun, funtsezko ekonomia inoiz baino ikusgarriago dago. Enpleguen zati handi bat funtsezko sektore eta zerbitzu horietan dago, besteak beste, hiri-ekonomian.

Funtsezkoa da zerbitzu horiek berreraikitzea, bermatzea eta hobetzea. Pandemiak eragindako krisiaren ondoren, funtsezko ondasun eta zerbitzuen hornidura berritua bultzatu behar dugu.

Arreta ekonomiaren zati horretan jarri behar da. Zati horren jarduerak funtsezkoak dira herritarrentzat. Horietako askok izaera soziala dute, eta gizarte-ongizateari laguntzen diote, jende askori lana ematen diote, eta pandemiak balioa eman die ia geldirik egon den ekonomia batean funtzionatu dutelako. Funtsezko Ekonomia da, eta gure lurraldearen hiri-garapenaren eragile ere bihurtzen lagundu behar dugu.

Erronka horiei aurre egiteko, BERPIZTU programari esker, Eusko Jaurlaritzak Legebiltzarrak eskatuta diruz lagundutako programa, Oarsoaldea Garapen Agentziak aholkularitza eta laguntza tekniko integraleko zerbitzua eskainiko du eskualdeko Funtsezko Ekonomiako jardueretan autoenplegua eta ekintzailetza sustatzeko.

Funtsezko Ekonomiako jardueretan autoenplegua eta ekintzailetza sustatzeko aholkularitza eta laguntza tekniko integraleko zerbitzua

Esan bezala, Oarsoaldea Garapen Agentziak doako aholkularitza eta laguntza tekniko integraleko zerbitzu hau eskainiko du, autoenplegua eta ekintzailetza sustatzeko Eskualdeko Funtsezko Ekonomiaren jardueretan, 3 erronka hauek betetzeko:

• Funtsezko ondasun eta zerbitzuen ekoizpena bultzatzea, jarduera estrategiko gisa.
• Covid-19ko krisiak gogor astindutako jardueren berreraikuntza.
• Enpresa-transmisioaren erronkari aurre egitea (eragin handia du hiri-ekonomian eta oinarrizko ekonomian) ekintzailetasuna sustatuz.

Zerbitzu honek jarduteko ibilbide bat eskainiko du: hasierako banakako tailerra; talde-jarduerak lankidetza-lana sustatzeko eta proiektuak hobetzeko; proiektuaren banakako jarraipena non aholkularitza, laguntza teknikoa eta ekintzaile izateko gaitasunak eskainiko den; mentorizazioak eta/edo adituekiko loturak, trebakuntza-pilulak non jardueraren zeharkako arloei buruzko ezagutzak eta baliabideak eskuratzen errazteko prestakuntza-saioak egingo diren; proiektuak abian jartzeko laguntza eta proiektuen hedapena eta ikusgarritasuna.

Oarsoaldea eskualdeko garapen-agentziak, Miguel Ángel Sánchez presidenteak, eskualdean negozio-proiektu edo -ideia bat duten pertsona ekintzaile guztiak zerbitzuarekin harremanetan jartzera bultzatu nahi ditu, Funtsezko Ekonomiaren esparruan enpresak sortzeko prozesuan laguntzeko.
 

Nola eskatu informazioa edo doako aholkularitza

Doako zerbitzua eskatu edo kontsultaren bat egin nahi dutenek, 943 494 129 telefonora deitu edo aapalategi@oarsoaldea.eus helbidera mezu elektroniko bat bidali beharko dute.