Eskualdeko udaletako hainbat zinegotzik eta euskara teknikariek ongietorria egin zioten ihes-gelari ostiral arratsaldean.

Lehenengo txanda eurek egin zuten hain zuzen ere. ‘17. logela’ du izena ihes-gelak eta honela laburbiltzen du istorioaren abiapuntua bere web orrialdean: “T hotel luxuzko hotel kateak ehun urte daramatza euskal herritarrik ezagunenen loa zaintzen mundu osoan zehar. Urteurren borobil honetan, ibiltari bilakatu da, herritar guztiei bere izaretan lo egiteko pribilegioa eskaintzeko”.

Gustura ibili dira hotel berezi horretara sartu-atera egin duten gainerako 20 txandatako herritarrek, barre-algara artea eta izu puntu batekin.