BIRATU-ERREMINTA ZIKLOA proiektuak Oarsoaldeko enpresetan ekonomia zirkular baterako trantsizioa sustatu nahi du, negozio-eredu iraunkorragoak, eraginkorragoak eta lehiakorragoak sustatuz. Diagnostiko pertsonalizatuen eta ekintza-planen bidez, enpresei baliabideak optimizatzen, hondakinak murrizten eta ingurumen-araudi berrietara egokitzen laguntzen diegu.

2025eko martxotik azarora pertsona bat izango dugu Argentinan Global Training bekari esker. Bere misioa merkatu azterketa eta prospekzio lanak herrialde honetan egitea izango da, Oarsoaldeko enpresei informazio estrategikoa emanez Argentinako merkatuan sartzea errazteko. 

Artisau Auzoa egitasmoa hirigune historikoa birgaitzeko sortu zen, bertan dauden lokalak zaharberritu eta erabilera berri bat eman nahi die Errenteriako Udalak. Artisautza, sormena eta tokiko merkataritza suspertzea ere du helburu. Esperientzia pilotu gisa, kulturarekin, artisautzarekin eta sormenarekin lotutako jarduerak bertan garatzeko aukerak ahalbidetzen dira, artisautzari lotutako nortasun bereziz hornitzeko.

Belaunaldien arteko erreleboa planifikatzea eta enpresetan adina kudeatzea funtsezkoa da ezagutzaren eta esperientziaren jarraipena ziurtatzeko, berrikuntza sustatzeko eta lehiakortasunari eusteko. Gainera, trantsizio ordenatua eta ustekaberik gabekoa errazten du, taldearen produktibitatean eta aldartean duen eragina murriztuz.

Gipuzkoako Foru Aldundiko Iraunkortasun Sailak eta Oarsoaldea Eskualdeko Garapen Agentziak bultzatutako proiektuaren helburua da Oarsoaldeko lehen sektorean jasangarritasuna eta eraginkortasun energetikoa sustatzea, batez ere nekazaritza eta abeltzaintza arloetan.

Energia-kostuak eta CO2-emisioak murrizteaz gain, energia kontserbatzearen garrantziari buruz hezten dira ikasleak, eta klima-aldaketaren aurkako ekintza zehatzak hartzeko ahalduntzen dira.