Uda honetan etor zaitez Tren Berdean Arditurrira!

En julio y agosto se ofrecerá un servicio de tren + entrada a la mina a un precio especial.

Las salidas se realizarán los miércoles, dos turnos por día, partiendo de la plaza San Esteban de Oiartzun.

 

 

Udan zehar ihesaldi txiki bat egin nahi duzuenontzat Oiartzungo paraje naturaletan murgiltzeko plan ezin hobea proposatu nahi dizuegu: Arditurriko Meatze gunera Tren Berdean joateko aukera eskainiko da prezio murriztuan, uztaila eta abuztuko asteazkenetan. Bi irteera-txanda eskainiko ditu trenak asteazkenero.

 

 

 

 

 

tren-berdea-2020---1

 

Familian egiteko plan ezin hobea dugu hau, izan ere, adin tarte guztientzat egokia baita. Haurrek, gaztetxoek zein helduek Oiartzungo naturaz, baserri-auzoez eta meatze-aztarnez gozatzeko aukera bikaina.

Tren Berdea Elizaldetik abiatuko da, Oiartzungo hirigune historikoan dagoen Doneztebe plazatik hain zuzen. Paisaia zoragarriez gozaraziko digun 45 minutu inguruko ibilbide atsegin bat egingo du Oiartzungo naturgunean murgilduz. Oiartzun ibaiari jarraituz eta Aiako Harria aurrean dugula, garai batean Arditurritik ateratzen zen mea Pasaiako porturaino garraiatzeko trenbide zaharra, egun Bide Berdea dena, bidelagun izango dugu. Azken zatian, Aiako Harria Parke Naturalean sartu eta  Arditurriko meatze gunean amaituko da bidaia.

Behin Arditurrira iritsita, kaskoak jantzi eta meazuloan sartzea da plana. 180 metroko pasabidean barneratuz, iluminazio eta soinu jokoek giro magikoa sortuko dute eta gida baten eskutik bertako historia eta garai ezberdinetako aztarnak azalduko dira.

Esperientzia ahaztezin hau borobiltzeko, trenean itzuliko gara Doneztebe plazara, irteera-puntu berdinera alegia. Eta behin Oiartzunen gaudela, ezin galdu bertako gastronomiaz gozatzeko aukera.

Beharrezkoa da sarrera aldez aurretik erreserbatzea. Horretarako, uztaila eta abuztuan egunero zabalik izango den Oiartzungo turismo bulegora jo dezakezue: Aialde, 2. 943 508 913 / turismoaoiartzun@oarsoaldea.eus; edo arditurri.com webgunearen bidez ere egin daiteke erreserba.

 

tren-berdea-2020---2

 

 

Ordutegiak:

Irteerak Oiartzungo Doneztebe plazatik, 10:00etan eta 11:15etan

 

Prezioa Trena & Arditurri:

Helduek  10 €

5-12 urte artekoek, 65 urtetik gorakoek edo 10 lagun baino gehiagoko taldeek 8 €

1-4 urte arteko haurrek 3 €

 

Nola iritsi:

Donostiatik - Oiartzunera autobusean: E02 linea 20 minuturo.

Donostia edo Hendaiatik- Oiartzungo Arraguako geltokira  Euskotrenen (TOPOA): 15 minuturo.

Oharrak:

Aldez aurretik erreserba egin behar da.

Musukoa beharrezkoa da.

 

Uda honetan ez galdu Arditurrirako trena!

 

 

  tren-berdea-2020---3

 

 

Erreserbak:

Oiartzungo Turismo Bulegoa

Aialde, 2. 943 508 913

turismoaoiartzun@oarsoaldea.eus

www.arditurri.com

www.oarsoaldeaturismoa.eus

 


Oarsoaldea