Zortzi garapen agentziek, horien artean Oarsoaldea Garapen Agentzia, planak eta ekintzak garatu dituzte energia-trantsizio iraunkorra bultzatzeko.

“Ahora más que nunca en la actual coyuntura económica tras el COVID19, es necesario avanzar hacia una transición energética justa, dotando de un enfoque social a la energía y contando con la participación de las entidades más cercanas a la ciudadanía. Hay que combatir la pobreza energética y dirigirnos hacia una Gipuzkoa energéticamente sostenible” José Ignacio Asensio.

 

Sentsibilizazioa, prestakuntza eta komunikazioa herritarrentzat oro har, eta, bereziki, beste kolektibo batzuentzat (etxeak, enpresak eta saltokiak).   

 

Garapen agentziek burututako ekintzak hiru jarduera eremutan oinarritzen dira nagusiki: lehena, sentsibilizazioa, prestakuntza eta komunikazioa herritarrentzat, oro har, eta, bereziki, beste kolektibo batzuentzat (etxeak, enpresak eta saltokiak).   Jarduera eremu horretan, 50/50 proiektua nabarmendu behar da, Tolosaldean, Oarsoaldean, Urola Garaian eta Urola Erdian garatzen ari den ekimena, ikastetxeetan energia kontsumoaz jabetzea sustatzen duena, hezkuntza komunitate osoa inplikatzeko aurrezpen- eta efizientzia-neurriak abian jartzen.

 

Pobrezia energetikoaren aurkako borroka sustatzea

Bigarren jarduera eremua pobrezia energetikoaren aurkako borroka sustatzea da. Horri dagokionez, Beterri-Buruntzak eta Tolosak eskualdean pobrezia energetikoaren aurkako diagnostikoak eta planak garatuko dituzte, eta Urola Garaiak prestakuntza programak egingo ditu udaletako teknikari eta ordezkarientzat, baita horientzako bisita teknikoak antolatu ere. 

 

Energia eraginkortasuna sustatzea eta energia berriztagarriak bultzatzea

Azkenik, hirugarren jarduera eremua da energia eraginkortasuna sustatzea eta energia berriztagarriak bultzatzea sektore publikoan (udal bulegoak eta argiteria publikoa), lehen sektorean (nekazaritza ustiategiak), hirugarren sektorean (saltoki eta establezimendu turistikoak) eta industria txikietan. Eremu horretan, Debagoieneko eta Debabarreneko proiektuak nabarmendu behar dira, energia eraginkortasuna hobetzeko azterlanak, eta eraikin publikoetan, mikroenpresetan eta merkataritza establezimenduetan energia berriztagarriak ezartzeko bideragarritasun tekniko eta ekonomikoari buruzko azterlanak eginez.  Baita Goierriren ekimena ere, udal lurzoru eta eraikinetan energia fotovoltaikoa instalatzeko potentziala aztertzekoa.  Urola Erdiak inguruko industrialdeetan energia berriztagarrien bidez energia eta beroa sortzeko ahalmena aztertzeko proposamen bat aurkeztu du.  Urola Garaiak eskualdeko udalek betetzeko estrategia bat idaztea eta mugikortasun elektrikoari buruzko azoka bat antolatzea planteatzen du; eta Goierrik azterketa bat egingo du eta mugikortasun iraunkorraren aldeko bultzada sustatuko du.

 

 

 

000agenciascomarcales2020

 

Eskualdeetako energia planak

Ingurumeneko Departamentuak 400.000 euro jarriko ditu Gipuzkoako pobrezia energetikoari aurre egiteko eta eskualdeetan eredu energetiko jasangarriagoa sustatzeko. José Ignacio Asensio Ingurumen diputatuak eta Debabarrena, Oarsoaldea, Tolosaldea, Urola Erdia, Goierri, Urola Garaia, Debagoiena eta Beterri Buruntza eskualdeek maiatzaren 18an sinatutako hitzarmenaren bidez gauzatu da proiektua.

Hitzarmenaren helburua Gipuzkoako energia jasangarritasunerako estrategia zabaltzea da eskualdeetako energia planak bultzatuz. Horretarako, Gipuzkoako Foru Aldundiak 50.000 euroko ekarpena egingo dio eskualde bakoitzari. Ingurumen Sailaren helburua da Gipuzkoako eskualde guztiek beren energia-plana izatea, eta, hala, lurraldeko energia-jasangarritasunerantz aurrera egitea, GK 2050 Gipuzkoako klima-aldaketaren estrategian ezarritako helburuekin bat eginez.

Hitzarmen hauen helburua estrategia bateratu bat sustatzea da, Gipuzkoako gizartean pobrezia energetikoa gutxitzeko eta prebenitzeko, mendekotasun energetikoa murrizteko, eta gero eta CO2 isurpen gutxiago sortzeko Ingurumeneko diputatuak azaldu duenez, Ingurumeneko Departamentuak garbi izan du beti oraingo sistema energetikoa osatzen duten elementuak aldatzeko eta karbono-urriko energia eredura trantsizioa bultzatzeko, tokiko edo eskualdeko ekintza plano batera jaitsi behar dela, lan eginez kontsumo puntuetatik eta autokontsumorako iturri berriztagarriak kokatzen diren lekuetatik gertu, eta pertsonengandik gertu dauden entitate eta erakundeen bidez. Honen inguruan Asensiok adierazi du «plan horien bitartez energia planifikatu eta kudeatu ahal izango da eskualde esparruan, eta eskualdeetako eredu energetikoaren aldaketa sustatu, Gipuzkoan Klima Aldaketari Aurre Egiteko Estrategian jasotzen denaren arabera».

Hitzarmena maiatzaren 18an sinatu dute Iker Urruzola, Tolosaldea Garatzen Eskualdeko Garapen Agentziako lehendakaria eta Zizurkilgo alkateak; Javier Zubizarreta, Iraurgi Berritzen Urola Erdia Eskualdeko Garapen Agentziako lehendakaria eta Azkoitiko alkateak; Fernando Nabreda, Oarsoaldea Eskualdeko Garapen Agentziako zuzendari gerenteak; Juan Angel Balbás, Debegesa Debabarreneko Garapen Ekonomikorako Elkarteko zuzendari gerenteak; Iker Galparsoro, Goieki Goierri Eskualdeko Garapen Agentziako zuzendariak; Maite Antón, Debagoieneko Mankomunitateko presidentea; eta Mª Jose Izagirre, Beterri-Buruntza Mankomunitateko presidenteak.

 


Oarsoaldea